Comp 4 Urdu shairi_Jan_2011

Assalam o Alaikum....
U have to share here a Shair on

"jheel c Ankhien"

RUles:

1. editting not allowed
2. one member one sharing
3. Last date is 25 January.2011

[You must be registered and logged in to see this image.]

Hain aankhein jheel si,chehra kitab jaisa hai
K mere yaar kar ka har naqsh khawab jaisa hai

Kissi bhi baat par ab bheegti nahin aankhein
K Apna haal bhi sookhay chanaab jaisa hai

Yeh aarzu hai kabhi tau andheri shab mein milay
Woh aik shakhs jo maahtaab jaisa hai

Yeh saaz-e-jaan tau khamosh aik umer se hai
Agarchay lehja abhi tak rubaab jaisa hai

Main us k husn ki taareef kiss tarah se karun
Woh aaftaab sa,maahtaab jaisa hai

Tumharay baad main kiss cheez se lagaaun dil
Meri nazar mein sabhi kuch habaab jaisa hai

Har aik zar-ra chamak daar kiyun nahin hota
Har aik zar-ra agar aaftaab jaisa hai

Kissay sunaaun main is dil ki daastaan WASIQ
Shab-E-Firaaq ka har pal azaab jaisa hai

[You must be registered and logged in to see this image.]

Yeh tairi jheel see ankhoon mein rut'jagoon kay bhanwar
yeah tairay phool say chehray pay chandini ke phawar
Yeah tairay lab yeh diyaar e yuman kay surkh aqeeq
Yeh aainay see jabeeen, sajda'gah e layal o nehaar

Yeah bay'nayaaz ghanay jungloon say baal tairay
Yeah phoolti hoi sarsoon ka aks galoon par
Yeah dharkanoon ke zubaan boltay howay abroo
Kamand daal rahay hain mairay khayaloon par

Yeah naram naram say hathoon ka garam garam lamas
Gudaaz jisam pay baloor tehoon ka samaan!
Yeah ungliyaan, yeah zumurad tarashee shakhain!
Kiran kiran tairay dantoon pay motiyoon ka gumaan

Yeah chandini mein dhullay paoon jab bhi ruqs karain
Fiza mein un ginay ghungroo chanaknay lagtay hain
Yeah paoon jab kissi rastay mein rung barsayain
Tu mousmoon kay muqadar chamaknay lagtay hain

Tairi jabeen pay agar hadson kay naqas ubhrain
Mizaaj gardish e doraan bhi larkharaa jaye
Tu muskuraye tu subhain tujhay salaam karain
Tu ro paray tu zamanay ke ankh bhar aye

Taira khayaal hai khushboo, taira libaas kiran!
Tu khaak zaad hai ya asmaan say utree hai ?
Mein tujh ko daikh kay khud say sawaal karta hoon
Yeah mouj e rung zameen par kahaan say utaree hai ?

Mein kis tarhaan tujhay lafzoon ka payrhan bakhshoon ?
Mairay hunar ke bulandi tu sar'nagoon hai abhi
Tairay badan kay khud o khaal mairay bus mein nahi
Mein kis tarhaan tujhay sochoon, yeahi junoon hai abhi

Milay hain youn tu kaye rung kay haseen chehray!
Mein bay'nayaaz raha mouj e saba ke tarhaan !!
Tairi qasam tairi qurbat kay mousmoon kay baghair
Zameen pay mein bhi akayla phir khuda ke tarhaan

Magar mein shehar e hawadis kay sung zadoon say
Yeah Aaina saa badan kis tarhaan bachaoon ga ?
Mujhay yeah dar hai kissi roz tairay kurb samait
Mein khud bhi dukh kay samandar mein doob jaoon ga!

Mujhay yeah dar hai kay tairay tabasumoon ke phuwaar
Younhi wafa ka taqaza, haya ka toor na hooo ?
Taira badan, tairi duniya hai muntazir jiss ke,
Mein sochta hoon mairi jaan woh koi "Aur" na hoo

Mein soochta hoon magar sochnay say kaya hasil ?
Yeah tairi jheel see ankhoon mein rut'jagoon kay bhanwar

[You must be registered and logged in to see this image.]

In Jheel Si Gehri Aankhoon mein Ek shaam kahin Aabad to Ho..


Is Jheel Kinaare Pal do Pal Ek khwaab ka neela phool khiley..

wo phool baha dein Lehron mein
Ek roz kabhi Hum sham dhaley..

Is phool Ke Behtey Rangon mein
jis waqt Larazta Chaand chaley..

Us waqt kahin un Aankhon mein
is basrey Pal ki yaad to Ho..


In Jheel Si Gehri Aankhoon main Ek shaam kahin Aabad to Ho